كيكة الكركاع|الجوز| والتمر

كيكة الكركاع|الجوز| والتمر

المقادير
6 بيضات
كاس سنيدة
كاس زيت
كاس حليب دافي
3 معالق كبار كاكاو
نصف ملعقة سكين جبير
نصف ملعقة قرفة
2 خمارات حمراء
1 فاني
دقيق حسب الخليط يكون خفيف
تمر مقطع مربعات صغيرة
كركاع |جوز| مقطع طراف صغار
رقائق اللوز
الطريقة
نطربو البيض مع السنيدة نضيفو الزيت الحليب الكاكاو ثم سكين جبير و القرفة و الفاني
نخلطو الخمارات بالدقيق و نضيفوه على الخليط
ناخدو التمر و الكركاع و اللوز ندردروهم بالدقيق باش ميقيسوش الخليط و نكبوهم فيه بلا منخلطو بزاف
ندهنو المول و ندصبو الخليط ندخاوه للفرن يكون سخن من قبل بلا منحلو عليه حتى نشمو ريحة الكيك
التزيين
ناخدو الشكلاط الاسود 5 دراهم ندوبوه في حمام مريم مع ملعقة زبدة ملي يذوب نضيفو عليه دانيت
شكلاط ابيض 3 دراهم ندوبوه مع ملعقة زبدة في حمام مريم ملي يذوب نضيفو عليه علبة ياغورت
ملي تخرج الكيكة من الفرن ندهنوها كلها بالشوكولا سوداء و نزينو بخطوط شكلاط ابيض و ناخدو سكين يمر عكس اتجاه الخطوط لنحصل على شكل ميلفيي

بالصحة و الراحة