الخليع الفاسي

 اللهم صل على حبيب الامة سيدنا محمد وعلى اله وصحبه اجمعين

بسم الله وعلى بركة الله  

 نحتاج لمقدار من هبرة اللحم البكري تكون مقطعة طوليا وشوية تكون غليضة
انا هنا عملت 4 كيلو
تقريبا 100 غ توم مطحون
3 كيسان ملح

                                  كاس ونصف قزبور حبوب مطحون
                                        كاس تاع الخل      
                                  نصف كاس كمون مطحون

                                          ربع كاس ابزار                                            

شوية الزيت بلدية  

  نشرملو اللحم مزيان ونخليه 24 ساعة فشرمولة حت يتشرب مزززيان ونشروه فوق الحبل باش يتشمش وينشف مع هد الحرراة انا مفتش فيه 3 ايام ملي نشف قطعتوا طروف متوسطة

هنا خديت 2 كيلوالشحمة تاع الغنمي قطعتها صغيرة وعملتها فكوكوت وحدها حت دوب

 ملي دابت زدت تقريا ليتر ونصف من الماء الساخن وخليتهم يطيبوا مزيان

 غي بدات المريقة تتغلي وبديت تنلوح فالخليع ومرة مرة تنحرك فيه خليتوا تقريبا ساعتين وهو تيطيب ولكن غي على نار مهيلة ملي قرب يطيب وحسيت بيه نشف من الماء زدت تقريبا ليتر ونصف زيت مخلطة رومية وبلدية مكاملاش 5 دقايق وطفيت عليه

 زولت الخليع بوحدو

 صفيت الدغميرة تاع اكريش لي كان فيه واحتافضت غي باليدام

هنا رديت اكريش يتحمر مزيان

وهنا عمرت السطل بالخليع وخويت عليه ليدام ديالو

 وهاهو واجد بالصحة والراحة هنا عملتوا مع البيض 

وهنا عملت منو مليويات 

اللهم ادمها نعمة واحفضها من الزوال