بيتزا بالجمبو المدخن

السلام عليكم اليوم اعطاتنا هاجر شهيوة جديدة في برنامج حديث و مغزل مع سناء الزعيم و اللي هي بيتزا بالجمبو المدخن ، غادي نحتاجو للعجين:
نصف كيلو من الدقيق
معلقة من خميرة الخبز
شوية السنيدة
نصف ضامة البنة ايديال الخاصة بليباط
25 سل من الماء
نجمعو العجينة ديالنا و نخليوها تخمر مدة جوج السوايع و من بعد نطلقوها و نثقبوها بفورشيط و ندخلوها للفران مدة 2 دقائق فقط.
غادي يخصنا للحشوة:
100 ملل قشدة طرية
100 غرام جمبو مدخن
1 ضامة البنة ايديال الخاصة بليباط
50 غرام من فرماج الموتزريلا
نخلطو القشدة الطرية مع ضامة البنة ايديال الخاصة بليباط وندهنو بيها البيتزا ديالنا و نزيدو من الفوق المتزريلا و نزوقو بطريفات الجمبو من الفوق و ندخلوها للفرن على درجة حرارة 200 درجة مدة 20 دقيقة ، نقدمو البيتزا ديالنا بالصحة و الراحة.