رفيسة بالدجاج البلدي
مقادير المرق
دجاجة بلدية
3 بصلات محكوكات فحكاكة غليظة
بصلة مشلظة
نصف ربطة معدنوس نخليوها مكمولة
6 ريوس تومة مكمولين
2 تومة محكوكين للتنسيم
نصف زلافة حلبة
نصف زلافة عدس
توابل (ملعقة خرقوم,ملعقة سكين جبير,ملعقة ملح,نصف ملعقة ابزار)
كاس زيت زيتون و زيت نباتي
زعتر
الطريقة
نوضعوشوية الزيت و الدجاجة فالكوكوت تشحر شوية نضيفو البصل المشلظ يتشحرو نضيفو البصل المحكوك,الثوم,المعدنوس ,التوابل ,الزيت لي باقي,الحلبة,العدس ,الماء الكافي حتى يتغطى الدجاج نسدو الكوكوت ساعة او كثر على حساب الدجاج لي عندنا
العجين
الدقيق(الفورص,الفينو,فرينة)
الملح
ماء دافي
نعجنوه مزيان و يكون خفيف
نخليوه يتلق شوية نديروه كويورات صغار ندهنوهم بالزيت نخليوهم يتلقو و نغطيوهم ببلاستيك غذائي
نسخنو المقلة نسرحو وحدة نديروها طيب نسرحو وحدة اخرى نقلبو الاولى و نديروها فوقها و نقلبو فالحين نسرحو التالثة و نقلبو التانية نديرو التالتة و نعاودو نسرحو الرابعة و هاكا حتى نديرو 10 نحيدوهم و نعاودو نفس الشئ الاولى التانية التالتة و غادين هاكا
نكملوهم نروليوهم و نبداو نقطعو بالموس يكون ماضي و نعاودو نقطعو فاتجاه الاخر حتى نحصل على مربعات هادي طريقة ساهلة و بالزربة حسن ما نفرتو بايدينا
التزيين
البيض مسلوق
نقدموه بالصحة و الراحة
ليست هناك تعليقات :