علاج اكزيما الارجل مجرب

اليوم جبت ليكم واحد الكريم ديال الكزيما روعة و بحال رحمة الله دقة ببطله للكزيما ديال الرجلين غير ديريها و قولي وداعا الكزيما و الرجلين

لانه كيف كنعرفو الكزيما فاش كتوصل للرجلين تيولي الامر صعب و كيقلق بزاف و كاين كاع اللي كدوز ليه بالماء و الحكة و الطياب الى اخره

لهدا انا جبت ليكم هده الوصفة هي كانت في الحقيقة قالتها واحد السيدة في اللقاء لمفتوح شي عام هادي و كنت سجلتها ولكن واحد النهار تلقيت بواحد السيدة من العائلة و هي تعاود على حالة ديال زوج اختها كان عنده نفس المشكل عيا ما يمشي عند الاطباء و ياكل في الادويه غير كتوقف شويا الكزيما و كاتعاود ترجع ليه و هو مكانش كيامن بانه التداوي بالاعشاب كيعطي نتيجة و كيقول غير هادكشي كيف والو

واحد النهار قال اجي نجربها و فعلا جربها و النتيجة كانت مدهله الى حد الان عمر الكزيما ما رجعت ليه

سمحولي ليا على الاطاله و لكن فقط بغيت غير باش تستافدو

نخليكم مع المقادير

4 م ك حناء اللي كدار للجسم يعني اللي مدقوقه راه كتباع عند العطار



2 ك حلبه مطحونه



1 م ص شبة مدقوقه



ماء جزرتان محكوكتان



الطريقة

كنخلطو كل العناصر مزيان  و نديروها للرجلين و كنغطيوهم ببلاستيكة تكون مثقوبه شويا و تلبسي التقاشر لمدة ليلة كاملة

و مع الصباح تزوليها و تغسلي رجليك و تنشفيهم

و ان شاء الله ماغاديش تبقى ترجع الكزيما يمكن ليك تعواديه 3 مرات متتابعه ادا شفتي انه في اليوم الاول باقي شويا رجليك مراض