مسمن معمر بخيزو

المقادير تعمار لمسمن::

3 خيزو + بصلة مشلضة + قسبور + زيتون مقطع + توابل + ملح + 5 معالق زيت + حار + 3 حبات ثوم

مقادير عجينة مسمن::

2 زلايف طحين خاص بالحلويات + نص زلافة سميدة + 1 ألزا + قبصة ملح + ماء دافئ باش نجمعو بيه لعجينه

طريقة التحضير::

نخلطو مقادير ونخدمو العجين مزيان راه السر فالمسن هي طريقة اللي تخدمي بيها مسمن خص دلكي مزياان ونخليوها ترتاح واحد 10 دقايق عاد نعملو كريات صغيرة وندهنوهم بالزيت باش ميتلصقوش نخليوها ترتاح على من نحضرو الحشوة
ونبسطو كل كورة ونحطو فوقها الحشوه وتوزع بالتساوي فوق العجين اللي خص تكون مورقة مزيان ونخطو الطروفة ونقلبوهم على بيضيتهم كما هو فالتصويرة عاد نكرصو واحد شوية العجينة ونطيبوها فوق مقلة ديال الحرشه ولمسمن

طريقة تحضير الحشوة::

ناخذو بصلة والوتومه نقليوها شويه فالزيت زنزيدو فوقها خيزو والقسبور والتوابل والملحة والحار نخليوها فوق نار شي 10 دقايق مع التحريك وفالاخير نزيدو الزيتون

وبالصحة والراحة

من اعداد Narjisse Atta