لازان بالسمو المدخن و السبانخ

السلام عليكم، اليوم شفنا مع هاجر في برنامج حديث و مغزل مع سناء الزعيم ، شهيوة جديدة و اللي هي للازان بالسمو المدخن و السبانخ و اللي غادي نحتاجو ليها:
علبة ديال اللازان
لاصوص البيشاميل
200غرام فرماج الماعز "fromage de chèvre "
2 حبات ديال البرو مقطعين طريفات صغيرة
2 حبات ديال مطيشات كبار مقطعين طريفات صغار
علبة صغيرة ديال السبانخ "les épinard "
1 ضامة البنة ايديال الخاصة بليباط
نسلقو للازان دياولنا مع نصف ضامة البنة ايديال الخاصة بليباط و من بعد نوضعوهم فوق الورق المنشف.
نشحرو طريفات المطيشة مع نصف ضامة البنة ايديال الخاصة بليباط و طريفات البرو و من بعد نضيفو ليهم السبانخ "les épinard " و فرماج الماعز "fromage de chèvre" ، ندهنو المول المخصص للفرن بالزبدة و نفرشو أوراق للازان و نضيفو ليه من الفوق طريفات السمو المدخن "" و طبقة من الحشوة اللي وجدنا ديال السبانخ و مطيشة و الفرماج و نزيدو من الفوق لاصوص البيشاميل ، نبقاو نكررو العملية حتى ننتهيو بللازان و بقية البيشاميل من الفوق ، ندخلو للازان ديالنا للفرن مدة 30 دقيقة على درجة حرارة 180 درجة و نقدموه ساخن بالصحة و الراحة.