كيـــك معلــكة و كتجي كدوب في الفم و ساهلــة...

السلام عليكم ورحمة الله تعالى و بركاته
جبت ليكم واحد الكيك ساهلة ماهلة كنت خديتها من واحد البنت و جربتها وعجباتني حيت كتجي بنينة و معلكة
المهم بسم الله كنحتاجو ل هاد الكيك
المقاديـــر:
للسيرو
كاس الماء
كاس السنيدة
كاس زيت
4 معالق كاكاو
نديرو كلشي فوق عافية مهيلة لمدة 10 دقائق و نخليوه يبرد على جنب

للكيــك
4 بيضات
كاس الا ربع سنيدة
كاس الا ربع زيت
كاس من السيرو لي حضرنا من قبل
2 كيسان الدقيق
2خمارات




نخلطو جميع المقادير و نديروها في مول مدهون و مرشوش بدقيق وندخلوها الفران

هنا بعد ما طابت

كنتكوها كلها بالفورشيط و نخويو عليها السيرو المتبقي غير بشوية

ونخليوها تبرد كتجي معلكة و كدوب في الفم

و هاد طريف لاول وحدة تدخل

و لي دخلات تدعي معايا ولها بالمثل ان شاء الله

من طرف hanane_zaydi