يتزا بالدنجال

السلام عليكم ، اليوم شفنا مع هاجر في برنامج حديث و مغزل مع سناء الزعيم وصفة جديدة و اللي هي بيتزا بالدنجال ، واللي غادي نحتاجو ليها:
نصف كيلو من الدقيق
معلقة من خميرة الخبز
شوية السنيدة
نصف ضامة البنة ايديال الخاصة بليباط
25 سل من الماء
نجمعو العجينة ديالنا و نخليوها تخمر مدة جوج السوايع و من بعد نطلقوها و نثقبوها بفورشيط و ندخلوها للفران مدة 2 دقائق فقط.
غادي يخصنا للحشوة:
4 ديال دنجالات نكونو شرطناهم بالسكين و شويناهم في الفران مدة 20 دقيقة
3 ديال مطيشات طريين
فرماج الماعز
2 معالق ديال "câpres"
ضامة البنة ايديال الخاصة بليباط
نحمرو مطيشة ديالنا مع ضامة البنة ايديال الخاصة بليباط و ندهنو بها البيتزا ديالنا، ومن بعد نضيفو فرماج الماعز و "câpres" و ننتهيو بطريفات الدنجال من الفوق.
ندخلو البيتزا ديالنا للفران من 15 حتى 20 دقيقة و نقدموها بالصحة و الراحة.