كراتان الخضر

Mayada Ramssise 

 كراتان الخضر:
 نسلقو جميع الخضر اللي عندنا مع الماء و شوي الملح ضامة البنة و شوي الزعتر. نصفيوها بعد ما تنضج ( الخضرمقطعة مكعبات: بطاطس+جزر+جلبانة +شفلور+ كورجيت) 
و 4 دنجالات طويلة مقطعة شرائح طويلةو مشوية في الفرن تترك جانبا. 
+كاس كبير البيشاميل
+200 غ الفرماج احمر
+200غ صدر الدجاج مقطع و مشحر في شوي الزيت و الملح و ابزار و سكين جبير
+5 بيضات
+3 معالق كبار دقيق
+كاس كبير الحليب
+ملح ابزار.
الطريقة 
ندهنو مول كبير و مستطيل نصفف فيه شرائح البادنجال و في الجوانب نعملو نصف الدنجال الداخل و الباقي على برا بحال شكل الي كانديرو الورقة البسطيلة من بعد نصصبو عليه نصف البيشاميل +شوي الفرماج+ (بعد ما خلطنا البيض مع الحليب و الدقيق) نصبو نصف الكمية الخضر ثم نصبو نصف هد الخليط + شويالفرماج +الدجاج المشحرونضيف البقية الخضر و الخليط الباقي و في الاخير نغطيو الكراتان بنصف الدنجال الي باقي في الجوانب و نرشوه بالفرماج يدخل الى الفرن و بالصحة و الراحة.(للتاكد من نضجه نتكوه بقطيب الى ناشف راه طاب الى القطيب مبلل يترك حتى ينشف تماما) ارجو ان تنال اعجابكم