تحضير بيتزا الطون

تحضير بيتزا الطون

اعداد بيتزا الطون الخطوات بالصور

بالنسبة للعجين:

نصف زلافة دقيق الفورص

نصف زلافة فينو

م.ك زيت زيتون

معيلقة خميرة

ملح

و ماء دافي

الحشوة :

بصلة مشلضة او مقطعة شرائح

الفلفلة خضرا و حمرا مقطعين مربعات او شرائح

كروفيت مشحر فزويتة بلدية مع شويش ملح و ابزار

2 علب طون مصفيين من الزيت

صوص طوماط انا عملت لي كتكون واجدة

زيتون اسود و الاخضر مقطع الى حلقات

جبن الموتزريلا المبشور

صوص طوماط

الطريقة :

كنجمع مقادير العجين بالماء دافي و انا كندلك العجينة و انا كندلك خاصها تكون مرخووووفة فحال الشيار او السفنج , نغطيوها و نخليوها تخمر فمكان دافي .

في هاد الاثناء نوجدو الحشوة , ناخدو مقلاة نديرو فيها زويتة بلدية او مخلطة و نشحرو فيها البصلة + الفلفلة حمرا و خضرا + ملح و ابزار منين ينزلو ماشي يطيبو بزااااااف غير ينزلو شويش و صافي عليهم نزيدو لهم القليل من صوص طوماط غير تسخن نطفيو عليهم . من بعد ما خمرات العجين ناخدوها و نبسطوها شويش من فوق سطح مرشوش بالفينو و نقلوها للاطة عاد نكملولها تكراصها بحرا ما تعدبكمش , المهم خاصها تكون رقيقة نتكوها الفورشيط ندهنوها بالصوص طوماط و ندخلوها الفران مسخن من قبل غير تشد راسها و نخرجوها كيفما موضح فالصورة

منين نخرجوها ندردرو عليها الموتزاريلا و نديرو خليط البصلة و الفلفلة ثم الطون , الكروفيت , الزيتون الاسود و الاخضر, و لي تبقا لينا من الموتزاريلا و ندخلوها الفران .

المزيد من أطباق البيتزا بأنواع مختلفة و لذيذة