سلو من مطبخ خديجة مكاش

سلو من مطبخ خديجة مكاش

السلام عليكم ورحمة الله تعالى وبركاته اليوم بغيت نقدم ليكم سلو من مطبخي أتمنى أن ينال إ عجابكم نبداو على بركة الله
المقادير:
1كيلو غرام من الدقيق اﻷبيض (الفورص)
1كيلو غرام من السمسم (الزنجﻻن)
نصف كيلو من الزبدة العادية
نصف كيلو من السكر الصقيل

1كيلو غرام من اللوز
1ملعقة كبيرة قرفة
2معالق كبار اليانسون (النافع البلدي)
القليل من المسكتة (المسكة الحرة)
القليل من جوز الطيب (الكوزة)
الطريقة :
نحمر الدقيق في الفرن مع التحريك المستمر حتى يأخد لونا ذهبيا من بعد نغربلو بالغربال ونصلق نصف كمية اللوز ونقيه ونحمر في الزيت ونهرمشو والنصف اﻻخر نمسحو ونحمرو بالقشرة ونطحنو مزيان بالنسبة للزنجﻻن محمر ونقص منو تقريبا رابعة نخليه صحيح نزيد السكر الصقيل مغربل والنافع والمسكة مطحونة مع شوية السكر والكوزة محكوكة والقرفة والقليل من الملح وندوب الزبدة ونخليها حتى تبرد باش نصفي منها الحليب اللي فيها ونخلط بها سلو حتى تحصلو على النتيجة المطلوبة حيت سلو كل واحد كيفاش كيبغيه اللي كيبغيه مدوم يمكن ليه يزيد من كمية الزبدة الصور فيها اﻻتنين المهم أنا عطيتكم طريقتي في تحضير سلو والتقديم كل يقدم كيف بغاه تقليدي عصري حسب إختياركم.