ازالة نقط الساقين و اثار الحبوب

كريم كالميوريد

هذا الكريم بطل بطل بمعنى الكلمه وتكلمت عنه مسبقا
طبعا استخدمته بعد استشاره طبيه على الركب والاكواع والساقين ... والنتيجه راااائعه
السعر 65 صيدليات الدواء

استخدمت معاه كريم مبيض اسمه وايت اوبجكتف من بايوديرما
السعر 220 صيدليات الدواء



ماراح احدك على نوع معين اللي تبينه استخدميه
لكن انا بصراحه ما احب الكريمات اللي فيها هيدروكونين لذلك اخترت هالكريم تحديداً (ينفع لاي مكان بالجسم على فكره) الماده الفعاله فيه فيتامين سي فقط

بأمانه ماكان عندي هالمشكله يعني بس عندي كوعي اليمين مسمر والثاني لا ... طبعا لاني اتكي على كوعي العزيز فاستخدمت هالكريمات عشانه وصرت انتبه لحركاتي وقت الجلوس .. الاحتكاك هو سبب الاسمرار


طريقة استخدامه للساقين :

نفس الشيء مرتين باليوم لكن مايحتاج مبيض
والله العظيم يابنات يطلع كل ابوووو الشعر المستعصي اللي تحت الجلد ... يخرب بيتو هالشعر
من جد فررررق انا نصحتني فيه دكتورة زمان قبل ما اسوي الليزر وطنشتها بس قبل فتره تكلمت عنه دكتورة ثانيه ذكرتني فيه
شوفوا مع اني مسويه ليزر بس الشعر الخفيف اللي يطلع
يطلع لي تحت الجلد يعني وراي وراي هالمشكله بس طبعا اخف من قبل بكثير
بعد ما استخدمت هالكريم تقريبا حول شهر كامل ما اتذكر بالضبط
بس كان فيه نقط عنيده بركبتي وراحت الحمدلله اخيرا شفت هالركبه صافيه
بس ملاحظه لازم اقولها لكم لاحظت الشعر اللي كان موجود طااال بسرعه
فاضطريت بعد ما خلصت منه اسوي جلسة ليزر بعد ... وسويت ضوئي للاسف (هذا الموجود )
لكن اللي تشيل الشعر من الجذور اعتقد ما يفرق معاها كم مره راح تشيله اهم شيء تفتك من النقط صح ؟
طبعا هالكريم ينفع للنقط اللي عباره عن شعر لكن في نقط يكون لونها مثل النمش راح تخف معاك بالتقشير ..
باحماض الفواكه .. أي شيء ترتاحي له







كريم من ريكسول aha 15%


الماده الفعاله الجلايكوليك اسيد 15% وفيه تركيزات مختلفه وفيه شركات مختلفه لنفس هالماده الفعاله

هو عباره عن كريم مقشر يعطي نعوووومه للجسم ويشيل اثار الحبوب ويفتح بعض الاماكن المسمره ... استخدمه لجسمي كللللله حتى المناطق الحساسه ... استخدمه في الليل طبعا فقط ويغسل في الصباح وترطبي جسمك (شاورك المعتاد ) والمناطق الحساسه ارطبها ببيانثين الوردي
ممكن تستخدميه للوجه كمان ... طبعا افضل في التعبئه من قبل كان بس غطا دائري وتفتحيه وتصبي
كان المستحضر يتعرض للهواء لكن الان عملوه بهالشكل افضل بس للاسف ماله غطا كمان مدري شسالفتهم ريكسول وصار ينزل شوي شوي متعب
وتقدري تستخدميه للوجه بس انا ما استخدمته لوجهي بأمانه

السعر 130 صيدليات النهدي






مستحضرات melawhite من osomocomplex


مستحضرات الخط الكامله :

ميلك منظف
تونك قابض المسام
كريم
امبولات

محتوياته الفعاله :

زيت الليمون - فيتامين سي - عصير ثمار الكشمش الشائك

طبيعي وامن .. صناعه ايطالية

تجربتي

فقط مع الميلك والكريم
رائع بمعنى الكلمه .. بس بأمانه احسه بطل جدا للبشره الدهنيه اكثر لانه يجفف البشره شوي
بس انا ارطب بمرطبات ثانيه معاه والنتيجه رائعه تستحق التجربه

اشراااااق رائع للبشره يشيل الاثار نهائي (لانه يطلع لي كم حبه قبل الدوره ) .. يخفف من لون النمش ...ونفس الشيء هالكريم ايضا ممكن يستخدم لاي مكان بالجسم واستخدمته سابقا ليديني ..

متى تستعمليه ؟

الافضل في الليل وفي الصباح تغسليه وتحطي كريم مرطب ثاني
بس حتى لو حطيتي في النهار مو مشكله لان الكريم فيه عامل وقايه من الشمس


في شيء يقهرني غطا الكريم مايتقفل زين مدري ليه ...


مكان الشراء :
صيدليات اللؤلؤ - الجبيل الصناعيه
وممكن تلاقوه بعد بصيدليات الدواء

الميلك 110 ريال
الكريم 160 ريال
سعر التونك ب65 بس ماشريته







eladerm من شركة revivre

هالكريم هديه مني للحوامل خطيييييييييير
يمنع ظهور التشققات وانا اقوله من تجربه لاني جربته في حملي الاول
ولاخط طلع لي وبطني بعد الولاده ابيض
بس في حملي الثاني مالقيته وانواع الزيوت والترطيب والاهتمام وجربت افالون وقتها
لكن النتيجه بعد الولاده بطن يخررررع تشققات و اسمرررر
يدهن على البطن والخصر والافخاذ والمؤخرة والصدر كل هالاماكن تتمدد بالحمل وتتشقق
استخدميه بعد الشهر الثالث من الحمل الى الولاده

السعر 250 تقريبا صيدليات المواساه +عيادات سكن كير بالخبر التابعه للمواساه
(الشركه هذه منتجاتها ممتازة جربت منها منتجات للعنايه بالشعر )

باقولكم سر : ترا العلبه محتفظه فيها (علبته فاضيه) تخيلوا سنيييين على امل القى هالكريم مره ثانيه خخخخخ كنز ماصار كريم
وفرحت لما شفته موجود بالصيدليات قلت اكتب تجربتي معاه

 Modhela