حرشة الفرن ساهلة وبنينة من عند rabihabibi

السلام عليكم.
باسم الله :
المقادير:
1/2 كيلو سميدة رقيقة -بيضة -ملح -2معالق كبار سنيدة -خميرة حمراء -معلقة صغيرة خميرة معجونة -فاني -ياغورت فاني -كاس صغير مخلط زبدة وزيت ( انا درت 3/4 طاسة القهوة الصغيرة -في الصورة ) -حليب دافئ للخلط (انا حتاجيت 2 طاسات -نفس الطاسة ) حسب نوع السميدة -خاصها تكون بحال كثافة البغرير -.
الطريقة :
نخلطوا البيضة مع سنيدة ثم الزبدة والزيت ثم الياغورت بعدها نضيفوا السميدة والملح والخميرات ونجمعوا الكل بالحليب الدافئ .-كلشي غير بالضراب اليدوي -.
نخليوها ترتاح في نفس الاناء للي خلطناها فيه مدة 5د ثم نفرغوا الخليط في المقلاة الثقيلة المدهونة بالزبدة ومرشوشة بالسميدة ونخليوها 10دترتاح ثم ندخلوها تطيب مدة 30د في فرن 180 درجة .
اعتذر نسيت نقوليكم نرشوا وجهها بالسميدة ملي نصبوها في المقلاة الثقيلة قبل الطهي !.
نتمنى تعجبكم وبالصحة والراحة !.

المصدر: http://www.anaqamaghribia.com/vb/showthread.php?t=214926#ixzz2LeQ616Jo