قولي وداعا لسواد الركب والاكواع

 

بقلم د . أمينة خبيرة التجميل



شكون فينا مطلعش ليها الدم من السواد اللي كاين في الركابي والاكواع انا جيت اليوم وجبت معايا الحل ايه كاين الحل
خودي ركابيك او دهنيهوم مزيان بزيت الزيتون او من بعد خودي صحن ديري فيه الملح او عصري عليها نصف ليمونة او خودي الخليط او حكي بيه ركابيك مزيان (منوصيكومش على الحكان نتوما ماليه هههههههه)
تشوفي الكحولية كتخرج كدام عنيك من بعد خودي نصف الليمونة الاخرى حطي عليها الملح او عاودي حكيهوم مزيان
منين تكملي سيري غسليهوم بالما والصابونة المفضلة عندك اومن بعد حطي عليهوم كيم مرطب لمزيد من النعومة
(طبعا هاد الوصفة صالحة على اركب والاكواع بجوج بيهوم)