بيتزا بنينة

المقادير:
كيلو دقيق +2ملعقة كبيرة خميرة جافة او قطعة خميرة في حجم عين الجمل+2 ملعقة كبيرة محسن خبز+6 معالق زيت+ملح
يا تري في اسهل من المكونات دي ؟






الطريقة:

نحط الدقيق علي الملح علي المحسن ونقلب وعليهم الزيت ونقلب ونكون مجهزين الخميرة في حبة مية دافية ونحطها عليهم وبعدين نحط المية الدافية شوية شوية لغاية ما العجينة تلم معانا ونعجن فيها شوية لغاية ما تبقي كدة






ونسيبها تخمر لغاية ما تبقي زي كدة





ناخد جزء من العجين ونرش تحته وفوقه شوية دقيق





ونبتدي نفرد بالنشابة





ندهن الصينية بالزيت ونحط فيها العجينة






ونسيبها تخمر في الصينية علي ما نجهز الصوص وباقي المكونات


الصوص:

واحدة طماطم مقطعة مكعبات صغيرة +2 معلقة صلصة+6 معالق كاتشاب+زعتر اخضر +ريحان اخضر(نص معلقة صغيرة من الزعتر والريحان ولو مش اخضر يبقي جاف ماشي)+ملح وفلفل+فصين توم ومعلقة زيت





الطريقة:






نحط معلقة الزيت والتوم المفروم ع النار ويدوب نشم ريحة التوم بلاش يحمر





نحط الطماطم المكعبات ونسيبها لغاية ما تنعم ونهرسها شوية ونحط الملح والفلفل ونطفي





نحط الصلصة والكاتشاب والزعتر والريحان ونقلب





هتكون بالشكل دة وتبقي جاهزة





نجهز المكونات ونقطعها مكعبات (بصل وفلفل اخضروطماطم وزيتون ومشروم وموزاريلا)


ونبتدي نجهز المشروم





ناخد معلقة بصل من المكونات اللي فاتت ونحط عليها معلقتين زيت وتقليبة خفيفة 





ونحط المشروم بعد ما نصفيه ونغسله في مصفاة ونحط ملح وفلفل خفيف جدا


ونقلب ونسيبه لحد ما تنشف المية اللي فيه 





طبعا الصينية هتكون خمرت اثناء تجهيز المكونات ونحط عليها جزء من الصوص ونفرده





نحط باقي المكونات وعليهم الجبنة الموزاريلا وندخلها الفرن المتسخن قبل كدة 


ولو احمرت من تحت ولسة فوق نحطها تحت الشواية لغاية ما تحمر وخلي بالك منها





وهنا بعد ما خرجت من الفرن


استنوا لسة ما خلصناش تعالوا نشوف طريقة سهلة جدا للتقطيع واللي يرد يقولي ايه رأيه فيها اصلها اكتشاف ويا تري حد فكر فيها ولا لأ؟






التقطيع بالمخرطة 


اسهل جدا والجبنة مش بتلزق فيها زي السكينة وكمان اسرع