طريقة لتحضير السردين مثل المعلب

قدمات لينا الأخت خديجة من ايفران مشكورة طريقة لتحضير السردين مثل المعلب وغادي نحتاجو ليه :
1 كيلو سردين منقي و مطوي و نوضعوه في الكوكوط و نزيدو عليه نصف كأس زيت العود و معلقة كبيرة من مطيشة الحك و معلقة صغيرة من الكامون غبرة و نصف كأس خل و
 2 ضروس ديال الثومة و معلقة صغيرة من الملح .
تشدي الكوكوط لمدة 20 دقيقة من بعد ما تصفر تطفي عليها و ممكن تحافظي عليه سيدتي في اناء معقم لمدة عامين .
بالصحة و الراحة.