مجموعة من الوصفات الطبيعية للجمال

Sanaa Zaim Aswat

السلام عليكم ، اليوم شفنا مع الدكتور عماد ميزاب الدكتور في الصيدلة و الأخصائي في العلاج بالأعشاب مجموعة من الوصفات الطبيعية للجمال ، و اللي كتستعمل في مجموعة من الدول و هادي البعض منها :

* وصفة لبنانية لتفتيح الوجه: لب خوخة و نمعسوه مع معلقة كبيرة ديال ياغورت مسوس و معلقة صغيرة من عصير العنب و نخلطو الخليط مزيان و نوضعوه على الوجه و الرقبة ، أما العينين فكنوضعو عليهم دوائر الخيار، نخليو الخليط على وجهنا مدة 20 دقيقة ثم نغسلوه.

* وصفة تونسية ضد التجاعيد : نصلقو الجلبانة الخضراء و ناخذو 3 معالق كبار منها و معلقة كبيرة من العسل و معلقة كبيرة من قمح الذرة و معلقة كبيرة من الحليب و معلقة صغيرة من الطية الأخضر ، نخليو الخليط على الوجه و الرقبة مدة 15 دقيقة و نغسلوه.

* وصفة مصرية ضد البقع السوداء : معلقة كبيرة من القزبر الطري و معلقة كبيرة من عصير البطاطس الطرية و معلقة صغيرة من الحليب غبرة و معلقة كبيرة من العسل الحر ، نخليو هاد الخليط مدة 20 دقيقة و نغسلوها.

* وصفة روسية ضد الحبوب : 2 معالق كبار من محلول الشاي الأسود المركز مع معلقة صغيرة من عصير البرتقال و معلقة كبيرة من العسل الحر، نخليو الخليط مدة 10 دقائق و نغسلوه .