وانا قاعدة كدة قولت اجرب فكرة جديدة للقهوة وطلعت خطيرة
طبعا كلنا عارفين ان فيه قهوة بتتباع بنكهات بندق او كاكاو او فانيليا نكهات كتيرة
انا قولت اجرب اعمل قهوة بالبندق بنفسي مش جاهزة
نبدأ
بتجهزي معلقة صغيرة بن مليانة كدة والبن يكون سادة مش محوج
معلقة سكر (انا بحبها مظبوطة)
وعدد اتنين بندق مبشورين (انا بشرتهم بمبشرة جوزة الطيب) ممكن انت تطحنيهم بس كتري الكمية وخدي مقدار معلقة صغيرة
وطبعا فنجان مية
بتخلطي كل المكونات مع بعض كويس جدا بالشكل دة
وتحطيهم في الكنكة علي نار هادية لحد ما تبقي جاهزة
وتصبيها في فنجان واستمتعي بطعم احلي قهوة بالبندق
وادي شكلها
ودي صورة كمان
يارب تعجبكواااااااا
منقول
Keine Kommentare :