روز مفور بالخضر روعة

هاالوصفة قلتها لي واحدالسيدة .دائما كنديرها فالغداء او العشاء كتعجبني بزاف .كتحتاجي.
نصف كيلو روز الى كان كلاصي تسلقيه نص سلقة .اما الى كان عادي كتفزكيه على متوجدي الخضر في ماء بارد .الخضر كتقطعيها مربعات صغار.
2خزوات
2فلفلات خضراء حلوة
2بطاطا
زليفة صغيرة ديال الجلبانةاو اللوبيا الخضراء او هما معا.
مطشة كبيرة
ربيع مقطع رقيق
لحم او دجاج او بيبي المقدار اللبغيتي تشرمليه بالشرمولة عادية على حساب اشنو درتي .ملح.ابزار .خرقوم.تحميرة ...
3معالق زيت الزيتون كبار.معلقة كبيرةمطشة الحك.ضامة البنة (اختيارية ).
تشرملي اللحم .كتحطيه جانبا.تاخدي الشرمولة للي بقت تزيدها على الروز بعدما تصفيه ا مزيان تضيف ليه الخضر المقطعة مربعات. ثم معالق الزيت ثم معلقة مطشة و الضامة تخلطيهم مزيان تزيدي التوابل.
توضعي الروز والخضر فوق الكسكاس تزيدي اللحم مشرمل من الفوق تغطي الكسكاس بورق الاليمنيوم.او غطاء محكم .توضعي الكسكاس فوق برمة فيها ماء غليان تخليه يطيب30 د ثم تقلبيه الى مازال ما طاب خليه يزيد شوية المهم عينك ميزانك.تضيف ليه شوية زيت الزيتون قبل التقديم.وبالصحة والراحة.